Kva reglar gjeld

Bålbrenning skal ikkje vere til sjenanse for naboar og/eller bumiljøet. Det er kun lov å brenne hageavfall som kvister, lauv og greiner. Det er ikkje lov å brenne restavfall, spesialavfall, byggmaterialer, plast eller store pappmengder.  

Usikker på regelverket?
Sjå § 3 Generelle krav til aktsomhet under innleiande bestemmelser i rettleiing til forskrift om brannførebygging, oppdatert januar 2016 av Direktoratet for samfunnsikkerhet og beredskap (DSB). 

Slik søkjer du om godkjenning til å brenna bål

Send e-post til brannsjef. Oppgje tid og stad for bålet du planlegg, pluss kontaktinformasjon til den som skal stå som ansvarleg. 

Du treng ikkje søkje for:

• Brenning av hageavfall

Du kan brenna hageavfall i hagen din heile året, med unntak av i totalforbodsperiodar med stor brannfare. Vis omsyn til naboar og bumiljøet. Det er ulovleg å brenna søppel og spesialavfall, som til dømes byggmaterialar, plast og store pappmengder. Dette skal kastast i restavfall eller leverast på gjenvinningsstasjonen. Brot på forureiningslova kan straffast med bøter.

• Sankthans-bål 

Du treng ikkje søkje brannsjefen om løyve til å brenna bål denne dagen og kvelden, men du må be grunneigar om lov.

• Bålet må ha god avstand til bygningar, vegetasjon og brennbart materiale.
• Du må ta omsyn til vind, og ha rikeleg med sløkkjevatn tilgjengeleg
• Ein ansvarleg vaksen må vere til stades
• Det er ikkje lov å brenna søppel eller spesialavfall, som til dømes trykkimpregnerte materialar.